Veiran hefur áhrif á afkomu Apple

Maður hjólar fram hjá Apple-búðinni í Peking fyrr í þessum …
Maður hjólar fram hjá Apple-búðinni í Peking fyrr í þessum mánuði. Öllum 42 verslunum Apple í Kína var lokað eftir að veiran fór að breiðast út og flestar eru þær enn lokaðar. AFP

Apple sendi frá sér afkomuviðvörun í gærkvöldi, þar sem fram kom að hagnaðarmarkmið fyrirtækisins á fyrsta ársfjórðungi 2020 myndu ekki nást vegna útbreiðslu kórónuveirunnar, COVID-19.

Framleiðslukeðja Apple hefur orðið fyrir miklum áhrifum vegna lokana verksmiðja í Kína og þá hefur orðið mikill samdráttur á spurn eftir vörum þess innan landamæra Kína, þar sem öllum 42 Apple-búðunum var lokað í síðasta mánuði. Flestar eru þær enn lokaðar.

„Vinnan er að fara af stað á ný víða um landið, en það er að taka lengri tíma en við bjuggumst við að snúa til eðlilegs horfs,“ segir í yfirlýsingu Apple.

Apple er eitt fyrsta alþjóðlega fyrirtækið sem sendir frá sér yfirlýsingu um það hvernig kórónuveiran er að hafa áhrif á reksturinn en fjölmörg fyrirtæki reiða sig á Kína í framleiðslulínu sinni. Þá er kínverskur neytendamarkaður risastór og sívaxandi, sérstaklega þegar kemur að lúxusvörum eins og dýrum raftækjum á borð við iPhone-síma Apple.

Endursöluaðilar Apple hér á landi eru þegar byrjaðir að finna fyrir áhrifunum af þessu, eins og tveir þeirra ræddu við mbl.is um helgina.

Apple greindi ekki frá því hversu mikill samdráttur væri áætlaður á hagnaði fyrirtækisins af þessum sökum.

Umfjöllun New York Times um málið

mbl.is

Kórónuveiran

27. mars 2020 kl. 13:55
890
hafa
smitast
82
hafa
náð sér
18
liggja á
spítala
2
eru
látnir
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK