Engin rannsókn í farvatninu vegna tilboða

Engin rannsókn er í gangi hjá Samkeppniseftirlitinu vegna tilboða Vodafone og Nova um enska boltann á 1.000 krónur á mánuði.

Frétt af mbl.is

Borga með boltanum og vilja leiðréttingu

Páll Gunnar Pálsson, forstjóri Samkeppniseftirlitsins, segir að ráða megi af umfjöllun fjölmiðla að tilboðin tengist að einhverju leyti því að Síminn var sektaður á dögunum um 500 milljónir króna fyrir brot á sátt sem eftirlitið og Síminn gerðu í tengslum við enska boltann.

„Því máli er lokið og það er ekki nein önnur rannsókn í gangi sem varðar þessi tilteknu viðskipti eða tilboð. Það er ekkert slíkt í farvatninu í augnablikinu,“ segir Páll Gunnar.

Frétt af mbl.is

Segir lög brotin með bolta á þúsundkall

Síminn segir lög hafa verið brotin en Vodafone vísar því á bug. Páll Gunnar segir Símanum vera frjálst að beina kvörtun til Samkeppniseftirlitsins og það muni þá taka afstöðu til hennar. „Á þessu stigi miðað við fyrirliggjandi upplýsingar er ekki líklegt að það verði tekin upp rannsókn að frumkvæði eftirlitsins,“ segir hann.

Frétt af mbl.is

Nova ætlar einnig að bjóða enska boltann á 1.000 kr.

• Blogga um frétt