Icelandair gerir ráð fyrir því að Boeing MAX-flugvélar fyrirtækisins, sem hafa verið kyrrsettar síðan í mars, muni byrja að fljúga á nýjan leik í lok árs. Icelandair hafði pantað 16 slíkar vélar en gerir ráð fyrir því að falla frá pöntunum á fjórum vélum.

Samkomulag félagsins við Boeing er talið minnka framtíðarskuldbindingar um 260 milljónir dollara, eða sem jafngildir rúmlega 35 milljarða króna.

Þetta kemur fram í kynningargögnum fyrir fyrirhugað hlutafjárútboð sem Icelandair sendi Kauphöllinni í gærkvöldi.

Frétt af mbl.is

Icelandair birtir kynningargögn fyrir útboð

Tekur fjögur ár að ná upp sama fjölda farþega

Þar segir að kjarasamningar við Flugfreyjufélag Íslands sem skrifað var undir nýverið spari flugfélaginu 9 milljónir dollara. Nýundirritaðir kjarasamningar við Félag íslenskra atvinnuflugmanna eru sagðir spara flugfélaginu um 17 milljónir dollara.

Samkvæmt því sem fram kemur í kynningargögnunum er reiknað með því að flug verði í lágmarki fram á mitt næsta ár vegna heimsfaraldurs kórónuveiru en fari síðan vaxandi. Fjöldi farþega verður ekki orðinn sambærilegur og hann var fyrir faraldur fyrr en árið 2024.

Frétt af mbl.is

Flugáætlun Icelandair var takmörkuð en arðbær

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt