„Þekkti engan nema strák að vestan“

Kap VE á loðnumiðum.
Kap VE á loðnumiðum.

„Þegar ég kom til Eyja fyrst þekkti ég engan nema strák að vestan sem hafði verið lengi til sjós héðan. Það hefði kannski legið beint við að fara í Stýrimannaskólann fyrir sunnan en ég var spenntari fyrir Eyjum en Reykjavík. Þar veðjaði ég rétt!“

Þetta segir Valdimar Gestur Hafsteinsson, sem Vinnslustöðin hefur ráðið í starf fyrsta stýrimanns á Kap VE-4. Valdimar kemur af Frá VE-78 en leysti af á Kap í sumar og hefur verið í afleysingum víðar í flota Vinnslustöðvarinnar.

Meiri Eyjamaður en Vestfirðingur

„Ég geri ráð fyrir að flytja mig yfir á Kap um eða upp úr miðjum nóvember. Það leggst vel í mig, nú eru spennandi tímar fram undan,“ segir Valdimar, sem tekinn er tali á vef útgerðarinnar.

„Ég fæddist og ólst upp á Þingeyri, þar eru ræturnar og foreldrar mínir búa vestra. Samt tel ég mig vera meiri Eyjamann en Vestfirðing, enda hef ég verið búið hér í liðlega 30 af alls 50 æviárum og stuðlað að því að styrkja kyn Eyjamanna með vestfirskum genum.“

Hann er sagður kominn á kunnuglegar slóðir í Kap, enda í afleysingum þar mestallt síðasta sumar. Þá leysti hann líka af á Sindra VE á árinu 2017 og í janúar 2018. Sé horft lengra inn í fortíðina var hann í áhöfn Gandí VE þegar sú útgerð sameinaðist Vinnslustöðinni og sömuleiðis kom hann við sögu afleysinga á gamla Ísleifi.

Gott að vera í Eyjum

„Ég fór fyrst á sjó sextán ára gamall eftir að skyldunámi lauk og var á línubátum og togurum heima. Engin sérstök áform voru uppi um að hreyfa sig í aðra landshluta en svona gerast hlutirnir,“ segir hann.

„Hingað kom ég og hér er ég. Í Eyjum er mjög gott að vera. Vissulega er hægt að láta samgöngumálin fara í taugarnar á sér en ég nenni ekki að pirra mig til lengdar á Herjólfi, lífið er of stutt og gott til þess.“

mbl.is
Afurð Dags. Meðalverð
Þorskur, óslægður 20.1.19 283,82 kr/kg
Þorskur, slægður 20.1.19 334,28 kr/kg
Ýsa, óslægð 20.1.19 290,32 kr/kg
Ýsa, slægð 20.1.19 255,76 kr/kg
Ufsi, óslægður 20.1.19 101,80 kr/kg
Ufsi, slægður 20.1.19 137,91 kr/kg
Djúpkarfi 16.1.19 253,00 kr/kg
Gullkarfi 20.1.19 179,67 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »