Þótt hér á landi séu framleidd nærri 20 þúsund tonn af laxi og silungi á ári eru enn flutt inn á þriðja hundrað tonn af ferskum laxi, aðallega frá Færeyjum.

Aðalástæðan fyrir því að enn er fluttur inn lax er sú að fiskeldisfyrirtækin slátra ekki laxi allar vikur ársins. Þessi hlé hafa þó styst og útlit er fyrir stöðugra framboð.

Flutt voru inn 219 tonn af ferskum, heilum laxi og silungi á síðasta ári. Er það heldur minna en á árinu á undan, að því er fram kemur í Morgunblaðinu í dag.

Markaður fyrir laxaafurðir hér innanlands fer vaxandi, eins og í nágrannalöndunum. Einar K. Guðfinnsson, formaður Landssambands fiskeldisstöðva, segir að fyrirtækin hafi lagt sig fram við að þjóna íslenska markaðnum þótt hann sé ekki stór í heildarsamhenginu.

Tengdar fréttir

Fiskeldi

Heldur kynningarfund um eldisfrumvarp

• Ótímabundin leyfi verði líklega ekki gefin út
• Sjókvíaeldi stefnir í átt að samþættri hringrás
• Ræða um rekstrarleyfi til 16 ára
• Mikilvægt að endurskoða leyfi til lagareldis

» Fleiri tengdar fréttir