„Ekkert útlit fyrir ferðaveður“

Á Donegalflóa í morgun. Gola var að sunnan og sjá ...
Á Donegalflóa í morgun. Gola var að sunnan og sjá má sveitabæi við ströndina. Ljósmynd/Tómas Kárason

„Nú er ekki mikið að frétta af veiðiskap. Við komum á miðin og tókum tvö hol og þurftum þá að sigla í var. Aflinn í þessum tveimur holum var samtals um 380 tonn,“ segir Hálfdan Hálfdanarson skipstjóri á Berki NK, sem liggur nú í vari á Donegalflóa við strendur Írlands.

Sjá staðsetningu Barkar á korti

Slæmt veður er á kolmunnamiðunum við Írland og spáin fyrir næstu daga er ljót. Ekki er gert ráð fyrir að fari að lægja fyrr en undir helgi eða á fimmtudag eða föstudag, að því er fram kemur á vef Síldarvinnslunnar, þar sem rætt er við Hálfdan.

„Á bak við næsta nes er bærinn Kyllibegs en það er sjávarútvegsbær og þar er eina stóra fiskimjölsverksmiðjan á Írlandi eftir því sem ég veit best. Hér á Donegalflóa liggja einnig Beitir, Sigurður og Grandaskipin Víkingur og Venus ásamt einum Færeyingi og einum Norðmanni,“ segir hann.

„Aðalsteinn Jónsson er einnig að koma hingað þannig að segja má að það sé traffík á bleyðunni. Höfnin í Kyllibegs er síðan full af Norðmönnum. Það er ekkert útlit fyrir veiðiveður næstu daga og því er tíminn hér um borð nýttur til að lagfæra ýmislegt og þrífa. Það er alltaf nóg að gera. Hér á flóanum er bara sunnan gola og sveitabæir allt um kring þannig að við höfum ekki yfir neinu að kvarta. Í talstöðinni hljóma hins vegar sífelldar stormviðvaranir.“

mbl.is
Afurð Dags. Meðalverð
Þorskur, óslægður 25.4.19 262,51 kr/kg
Þorskur, slægður 25.4.19 317,54 kr/kg
Ýsa, óslægð 25.4.19 207,29 kr/kg
Ýsa, slægð 25.4.19 195,49 kr/kg
Ufsi, óslægður 25.4.19 79,31 kr/kg
Ufsi, slægður 25.4.19 88,55 kr/kg
Djúpkarfi 9.4.19 224,97 kr/kg
Gullkarfi 25.4.19 307,61 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

25.4.19 Ás NS-078 Grásleppunet
Grásleppa 1.609 kg
Þorskur 369 kg
Skarkoli 52 kg
Steinbítur 25 kg
Samtals 2.055 kg
25.4.19 Sunnutindur SU-095 Línutrekt
Þorskur 10.930 kg
Ýsa 702 kg
Steinbítur 184 kg
Samtals 11.816 kg
25.4.19 Bergur Sterki HU-017 Grásleppunet
Grásleppa 1.809 kg
Skarkoli 645 kg
Þorskur 341 kg
Ýsa 70 kg
Steinbítur 20 kg
Samtals 2.885 kg

Skoða allar landanir »