Norwegian Gannet til Íslands vegna laxadauða
Setja bókamerki
Skortur á skipum til þess að farga dauðum laxi í kvíum Arnarlax í Arnarfirði hefur orðið til þess að beðið hefur verið um aðstoð og er skipið Norwegian Gannet statt rétt norður af Færeyjum á leið til Íslands frá Danmörku, að því er fram kemur á vef iLaks.
Mikill laxadauði varð í kvíunum, en slæmt veðurfar varð til þess að slátrun lá niðri um tíma. „Við þessar aðstæður, þegar hiti í sjó er kominn niður í tvær og hálfa gráðu, vill fiskurinn oft færa sig niður og þegar þessar óveðurslægðir eru svona djúpar þá eru straumköstin alveg gífurleg. Við þessar aðstæður er lítill hluti fisksins sem nuddar sér við nótina og það er nóg til þess að bakteríur og ákveðnir sýklar sem valda sárum komist í fiskinn. Það getur leitt til dauða á einhverjum vikum,“ var haft eftir Gísla Jónssyni, dýralækni fisksjúkdóma hjá MAST, 8. febrúar.
Gísli segir í samtali við iLaks að vonast sé til að Norwegian Gannet verði komið til Arnarfjarðar á morgun. En ekki eru vísbendingar um góð veðurskilyrði og er búist við talsverðu hvassviðri á Vestfjörðum á föstudag.
Vangaveltur gengu lengra en innistæða var fyrir
Maðurinn sem leitað var að fannst látinn
Eðlileg viðbrögð að fella tár
Mikill útflutningur frá Vestfjörðum
Björninn sagður nálægt byggð
Tveir í haldi grunaðir um mansal og smygl á fólki
Vendingar vestanhafs geti haft áhrif hér heima
Eina leiðin var að fella björninn