Kristján Þór Júlíusson, sjávarútvegs- og landbúnaðarráðherra, hefur skipað nefnd þriggja óvilhallra vísindamanna til að rýna aðferðafræði sem Hafrannsóknastofnun notar við mat á burðarþoli og við gerð áhættumats erfðablöndunar. Þetta kemur fram á vef Stjórnarráðsins. 

Í nefndina voru skipaðir: Gunnar Stefánsson prófessor í tölfræði við Háskóla Íslands sem jafnframt er formaður nefndarinnar, Kevin Glover er forsvarsmaður stofnerfðafræðihóps norsku hafrannsóknastofnunarinnar og dósent við Háskólann í Bergen og Bruce McAdam kennir vistfræðilega líkanagerð við fiskeldisstofnun Háskólans í Stirling í Skotlandi.

Tillögunum á að skila fyrir 1. maí næstkomandi. 

„Ráðherra skal skipa nefnd þriggja óvilhallra vísindamanna á sviði fiskifræði, stofnerfðafræði og/eða vistfræði til að rýna aðferðafræði sem Hafrannsóknastofnun notar við mat á burðarþoli og við gerð áhættumats.“ Nefndin er skipuð í samræmi við þetta bráðabirgðaákvæði VII. í lögum nr. 71/2008 um fiskeldi.

Frétt af mbl.is

Leggja til 20% aukningu í leyfilegu eldismagni

Tengdar fréttir

Fiskeldi

Mikill útflutningur frá Vestfjörðum

• Akureyringar taka ekki afstöðu
• Lagareldisfrumvarpið ekki lagt fram
• Þróa aðferð til framleiðslu á geldlaxi
• Stórfellt laxeldi áformað

» Fleiri tengdar fréttir

• Blogga um frétt