Verð á laxi féll eftir fjölgun smita í Kína
Setja bókamerki
Verð á eldislaxi tók dýfu á ný í síðustu viku þegar meðalverð lækkaði um 14,61% og nam meðalverð í viku 25, samkvæmt vísitölu Nasdaq sem birt var í gær, 60,84 norskum krónum á kíló, jafnvirði 892 íslenskra króna. Lax í sláturstærð, þrjú til sex kíló, lækkaði um 15,19% og nam meðalverð á kíló 62,06 norskum krónum, jafnvirði 910 íslenskra króna.
Verð hafði vikurnar á undan hækkað mikið enda voru markaðir farnir að taka við sér eftir að takmörkunum til þess að draga úr útbreiðslu veirunnar var byrjað að aflétta víða.
Kemur lækkunin í sömu viku og fóru að berast fréttir af því að kórónuveirusmitum væri að fjölga í Kína, sérstaklega Peking. Skapaðist meðal annars ótti um að smit gætu borist með laxi eftir að kórónuveira greindist á skurðbrettum hjá stórum heildsala laxaafurða í borginni.
Tóku stórar dagvöruverslanir, svo sem Carrefour og Wumart, allan lax úr sölu auk þess sem fjöldi veitingastaða tók lax af matseðli.
Fram kom í Morgunblaðinu í síðustu viku að laxeldisfyrirtæki hér á landi hafi dregið úr slátrun og verði því ekki fyrir sambærilegum áhrifum og önnur.
Björninn sagður nálægt byggð
Mikill útflutningur frá Vestfjörðum
Gerðu umfangsmiklar loftárásir á Líbanon
Eina leiðin var að fella björninn
Lögreglan leitar eftir myndefni í tengslum við andlátið
Grænlendingar vildu ekki fá björninn til baka
Maðurinn sem leitað var að fannst látinn