Stjórnstöð Landhelgisgæslunnar var tilkynnt um vélarvana strandveiðibát sem rak að skeri við Ingólfsgrunn á Húnaflóa á þriðja tímanum í dag. Þyrla gæslunnar, TF-GRO, var á flugi við Snæfellsnes þegar hún var beðin um að halda í átt að bátnum, að því er segir í fréttatilkynningu.

Einn var um borð í bátnum sem þurfti aðstoð og tókst honum að setja akkeri bátsins út sem kom í veg fyrir að báturinn steytti á skerinu.

Þá segir að annar strandveiðibátur hafi verið beðinn um að veita þeim vélarvana aðstoð og var þyrlan mætt á staðinn fimm mínútur fyrir þrjú og var til taks á meðan báturinn var tekinn í tog af hinum strandveiðibátnum. Vel gekk að koma línu á milli bátanna og eru þeir á leið í átt að Drangsnesi.

Tvö útköll í dag

Bent er á í tilkynningu gæslunnar að þetta sé í annað sinn í dag sem þyrlusveit Landhelgisgæslunnar er kölluð út en skömmu fyrir hádegi var óskað eftir þyrlu vegna manns í sjónum við Álftanes. Maðurinn fannst um það leyti sem þyrlan var að hefja sig til flugs frá Reykjavíkurflugvelli.

Frétt af mbl.is

Menn í sjónum við Álftanes

Tengdar fréttir

Landhelgisgæslan

Mikið um að vera í stjórnstöð Landhelgisgæslunnar

• Enn er óráðið með útgerð varðskipa
• Annasamt hjá áhöfnum Landhelgisgæslunnar
• Eina tilboðið í slipptöku Freyju ógilt
• Bráðvantar bryta á Freyju

» Fleiri tengdar fréttir

• Blogga um frétt