Samninganefndir Sjómannafélags Íslands og Herjólfs ohf. munu funda í fyrramálið um kjör skipverja á Herjólfi. Þetta staðfestir Jónas Garðarsson, formaður samninganefndar Sjómannafélags Íslands í samtali við mbl.is.

„Það verður dustað rykið af þessu á morgun,“ segir Jónas, en hlé hefur verið á viðræðum síðan vinnustöðvun skipverja á Herjólfi, sem átti að hefjast 23 júlí, var aflýst. Þá náðist samkomulag milli félaganna um viðræðuáætlun.

Frétt af mbl.is

Verkfalli á Herjólfi aflýst

Frétt af mbl.is

Ferðaþjónustan í Eyjum andar léttar

Viðræðuáætlunin inniheldur nokkur mál, meðal annars umræður um starfslýsingu þerna og háseta, forsendur starfsaldurshækkana og launahækkunar miðað við lífskjarasamning með sérfræðingum aðila, og að koma á hvíldaráætlun í samræmi við alþjóðalög.

Stefnt er að því að viðræðum verði lokið fyrir mánudaginn 17 ágúst.

„Ég held að báðir aðilar komi jákvæðir inní þessar viðræður. Við tökum snúninginn á morgun og sjáum hvað það leiðir af sér,“ segir Guðbjartur Ellert Jónsson, framkvæmdarstjóri Herjólfs ohf. í samtali við mbl.is.

Fleiri fundir hafa ekki verið skipulagðir, en ákveðið verður á morgun hvernig viðræðunum verður háttað á næstu dögum.

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• Blogga um frétt