7.000 tonn af makríl að landi
Setja bókamerki
Hoffell kom til hafnar á Fáskrúðsfirði í gærkvöldi með 1.000 tonn af makríl og hófst löndun snemma í morgun. Makrílveiðar skipsins hafa gengið vel að undanförnum og hefur það með aflanum borið um 7.000 tonn af tegundinni að landi, að því er fram kemur á vef Loðnuvinnslunnar.
Þar er haft eftir Sigurði Bjarnasyni, skipstjóra á Hoffelli, að það hafi þurft að sækja makrílinn langt þar sem hann gengur austar nú en áður. „Hann kemur úr norsku lögsögunni og við vorum að ná honum alveg við línuna.“ En þegar á miðin var komið gekk vel að ná aflanum og náðust 1.000 tonnin á 38 klukkustundum, að sögn skipstjórans.
Fram kemur að veðrið hafi verið með ágætum á þessum túr. En kaldaskítur kom þegar áhöfnin var að draga inn síðasta holið. Hoffell heldur til veiða á ný á miðvikudag.
Finnar og Svíar taka ekki á móti særðum frá Gasa
Gerðu umfangsmiklar loftárásir á Líbanon
Eðlileg viðbrögð að fella tár
Glæpastarfsemi orðin mun skipulagðari
Of margir nemendur og ákall um hæft starfsfólk
Vangaveltur gengu lengra en innistæða var fyrir
Hætta vegna jarðfalls í sprungur metin töluverð
Grænlendingar vildu ekki fá björninn til baka