„Fólk varð auðvitað svolítið skelkað. Það verður bara að segjast eins og er,“ segir Hermann Ólafsson, framkvæmdastjóri Stakkavíkur, í samtali við 200 mílur um viðbrögðin er 5,7 stiga skjáfti varð á Suðurnesjum í morgun. Í kjölfar skjálftans hefur fylgt töluverð hrina sem hefur hrist mest allt suð-vesturhornið í dag.

Hermann segir fiskvinnsluna hafa verið í fullum gangi þegar skjálftinn varð og varð ekkert hlé gert á þó vissulega hafi reynslan verið óþægileg.

Spurður hvort Grindvíkingar séu ekki orðnir vanir skjálftum segir hann svo ekki endilega vera. „Ég var staddur niður á verkstæði og þetta var helvíti ónotalegt. Það var allt á fleygiferð. Þetta er alltaf jafn óhugnanlegt þó maður sé einhvernveginn vanur þessu.“

Viðbrögð flestra við skjálfta á svæðinu nú er að spá hvort sá nýjasti sé stærri eða minni en sá síðasti, að sögn Hermanns. Þá sé þetta kannski ummerki að fólk sé farið að venjast, en ekki leggst þetta jafnt í alla og kveðst hann vita til þess að einhverjir ákveða einfaldlega að fara í bíltúr þegar svona er til að þurfa ekki að vera innandyra.

Tengdar fréttir

Eldvirkni á Reykjanesskaga

Svipuð þróun og fyrir síðustu gos

• Hætta vegna jarðfalls í sprungur metin töluverð
• „Ró­leg al­veg fram í miðjan nóv­em­ber“
• Grindavík og Svartsengi blikna í samanburði
• Stjórnvöld meðvituð um sviðsmyndina

» Fleiri tengdar fréttir

• Blogga um frétt