Grásleppuútgerðir stofna hagsmunasamtök
Setja bókamerki
Unnið er að stofnun Landssambands grásleppuútgerða (LSG) og er hópurinn sem stendur að undirbúningnum sá sami og afhenti Kristjáni Þór Júlíussyni, landbúnaðar- og sjávarútvegsráðherra, stuðningyfirlýsingu frá meirihluta grásleppuleyfishafa vegna fyrirhugaðrar kvótasetningar grásleppuveiða.
Landssamband smábátaeigenda hefur hins vegar verið mótfallið hvers kyns hugmyndum um kvótasetningu veiðanna og hafa staðið miklar deilur um málið meðal félagsmanna.
Fram kemur í tilkynningu frá aðstandendum nýju samtakanna að „hugmyndin að stofnun LSG hefur varað í nokkra mánuði og ljóst að þörfin fyrir alvörumálsvara grásleppuútgerða hefur farið vaxandi með degi hverjum. Mikill fjöldi leyfishafa hringinn í kringum landið hefur lagt ríka áherslu á slíka undirbúningsvinnu og telja aðilar nauðsynlegt að hagsmuna þeirra sem veiðarnar stunda, sé gætt af félagsskap þar sem lítil skörun sé á hagsmunum við ákvarðanir um stefnumótun.“
Aðstandendur LSG hvetja handhafa grásleppuveiðileyfa sem vilja taka þátt í stofnun samtakanna til að skrá sig á stofnfund sambandsins og vísa á Facebook-síðu þeirra. „Mikilvægt er að ráðuneyti sjávarútvegsmála, Alþingi og stjórnsýslan, hafi traustan hóp þeirra sem mestra hagsmuna hafa að gæta; til skrafs og ráðagerða um tilhögun grásleppuveiða og vinnslu til framtíðar,“ segir í tilkynningunni.
Eðlileg viðbrögð að fella tár
Þyrla Gæslunnar sinnti óvenjulegu verkefni
Davíð Viðarsson var skyndihugdetta
Komu saman á kyrrðar- og bænastund
Mikill viðbúnaður við Sæbraut
Hætta vegna jarðfalls í sprungur metin töluverð
Grænlendingar vildu ekki fá björninn til baka
Fékk menningarsjokk þegar hann flutti aftur heim