Snæbjörn Sigurðarson, verkefnastjóri Íslandsþara, segir fulltrúa fyrirtækisins farna að sjá til lands varðandi fyrirhugaða verksmiðju. Rætt hefur verið um að fjárfestingin sé á þriðja milljarð króna.

Áformað er að hefja framkvæmdir við verksmiðju á Húsavík næsta vor og verður jarðhiti notaður til að þurrka þarann við vinnsluna.

Úr þaranum verða unnin efni sem ætlunin er að selja til framleiðslu á fæðubótarefnum, snyrtivörum og öðrum vörum. Varðandi söluhliðina segir Snæbjörn að fulltrúar Íslandsþara séu í samstarfi við erlenda aðila sem hafi góðar tengingar á markaði í Evrópu, Bandaríkjunum og Asíu.

Í umfjöllun um mál þessi í Morgunblaðinu í dag segir Þór Sigfússon, stofnandi Sjávarklasans, mörg áhugaverð verkefni í gangi varðandi þaraskóga. Raunar hlaupi fjöldi sprotafyrirtækja á þessu sviði á tugum.

Tengdar fréttir

Fiskeldi

Mikill útflutningur frá Vestfjörðum

• Akureyringar taka ekki afstöðu
• Lagareldisfrumvarpið ekki lagt fram
• Þróa aðferð til framleiðslu á geldlaxi
• Stórfellt laxeldi áformað

» Fleiri tengdar fréttir