„Skatturinn vinnur skýrsluna fyrir okkur. Vinnan hefur því miður tekið lengri tíma en við héldum en það er verið að vinna við að ljúka þessu,“ segir Kristján Skarphéðinsson, ráðuneytisstjóri í Atvinnuvega- og nýsköpunarráðuneytinu. 

Fyrr í dag var greint frá því að Hönnu Katrínu Friðriksson, þingmaður Viðreisnar, væri farið að lengja eftir skýrslu frá sjávarútvegs- og landbúnaðarráðherra um eignarhald tuttugu stærstu útgerðarfélaga landsins í íslensku atvinnulífi.  

Frétt af mbl.is

Telur mikilvægt að skýrslan sé birt fyrir kosningar

Beiðni um skýrsluna var samþykkt á þingfundi þann 18. desember og er almennur frestur ráðherra til þess að skila slíkri skýrslu tíu vikur. Fór Hanna Katrín fram á svör frá Katrínu Jakobsdóttur forsætisráðherra um af hverju töfin stafar. 

Kristján segist gera ráð fyrir að lítið sé eftir af vinnunni og stutt sé í að hægt sé að skila þinginu skýrslunni. „Ég held að það sé farið að styttast í þetta,“ segir Kristján. 

„Þetta hefur verið mjög snúið. Við höfum upplýst þingið mjög reglulega um framvinduna vegna þess að við byggjum þetta algjörlega á vinnu Skattsins, sem er eina stofnunin sem getur unnið svona verkefni. En við gerum allt sem við getum til þess að klára þetta,“ segir Kristján.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt