Norskir eigendur náðu ekki saman
Setja bókamerki
Hræringar á norska hlutabréfamarkaðnum síðastliðinn föstudag urðu til þess að ekki verður af því nú að eignarhald stóru sjóeldisfyrirtækjanna á Vestfjörðum verði sameinað. Hins vegar er kominn nýr eigandi að meirihluta Arctic Fish.
Norsku fiskeldissamsteypurnar SalMar, sem er meirihlutaeigandi að Arnarlaxi, og NTS, sem seldi frá sér Fiskeldi Austfjarða í nóvember síðastliðnum, hafa að undanförnu barist um að ná meirihluta hlutafjár í Norway Royal Salmon (NRS) sem er eigandi meirihluta hlutafjár í Arctic Fish. Eftir dramatískar vendingar á hlutabréfamarkaðnum síðastliðinn föstudag varð niðurstaðan sú að NTS náði undirtökunum og á nú meira en tvo þriðju hlutafjár.
Stjórn NRS hafði heimild til að auka hlutafé til þess að stuðla að sameiningu sem tryggði hagsmuni hluthafa. Á föstudagsmorguninn var hins vegar tilkynnt að hluti stjórnenda félagsins hefði selt NTS hlutabréf sín á háu verði og náði fyrirtækið við það forystunni í slagnum.
Vinnur NTS nú að undirbúningi þess að samþætta rekstur fyrirtækjanna tveggja. Ein af eignum NRS og þar með hinnar nýju samstæðu er meirihluti hlutabréfa í Arctic Fish.
Óánægja er með áform um efnistöku
Vendingar vestanhafs geti haft áhrif hér heima
Finnar og Svíar taka ekki á móti særðum frá Gasa
Lögreglan leitar eftir myndefni í tengslum við andlátið
Maðurinn sem leitað var að fannst látinn
Birtu ekki dóm yfir fyrrverandi forseta bæjarstjórnar
Of margir nemendur og ákall um hæft starfsfólk