Synda gegn straumnum og veðja á handflökun
Setja bókamerki
Samkeppniseftirlitið hefur samþykkt kaup Vinnslustöðvarinnar hf. á 75% hlutafjár í fiskvinnslufyrirtækinu Hólmaskeri ehf. í Hafnarfirði, að því er fram kemur í færslu á vef Vinnslustöðvarinnar í Vestmannaeyjum.
Eins og fram kom í umfjöllun 200 mílna í síðasta mánuði hafði Hólmasker áður keypt rekstur fiskvinnslunnar Stakkholts ehf. en við það var allt starfsfólk ráðið til starfa hjá Hólmaskeri. Helsta áhersla fyrirtækisins er að handflaka ýsu, frysta og selja til austurstrandar Bandaríkjanna.
Með kaupum Vinnslustöðvarinnar á Hólmaskeri mun hafnfirska fiskvinnslan í auknum mæli kaupa hráefni af skipum nýja móðurfélagsins á markaðsverði.
„Í byrjun þessarar viku var til að mynda unninn ýsa úr Drangavík VE og síðan úr Breka VE. Handflakarar af báðum kynjum skáru eins og enginn væri morgundagurinn. […] Þrautvant fólk sem unun var að horfa á flaka. Þau hafa verið í þessu árum og áratugum saman og kunna sitt fag,“ segir í færslu Vinnslustöðvarinnar.
Önnur vara en vélflakaður fiskur
„Við fetum hér inn á nýjar og spennandi brautir en um leið förum við gegn straumnum í sjávarútvegi með því að veðja á handflökun. Það er þá hvorki í fyrsta né síðasta sinn sem við gerum það og má minna á að við fórum líka gegn straumnum með því að velja blástursfrystingu fyrir nýja uppsjávarfrystihúsið okkar og með því að láta smíða togara í Kína. Hvoru tveggja reyndust farsælar ákvarðanir,“ segir Sigurgeir B. Kristgeirsson (Binni), framkvæmdastjóri Vinnslustöðvarinnar, í færslunni.
„Handflakaður fiskur er önnur vara en vélflakaður og þar liggja tækifæri sem við munum spreyta okkur á að nýta í öðrum fisktegundum en ýsu í Frakklandi, Þýskalandi og víðar.“
„Við erum ekki hafin yfir gagnrýni“
Ekki hópuppsögn að segja upp fastri yfirvinnu
Velferð ekki gefin
97 aðgerðir hafa neikvæð áhrif
Fjármögnun alríkisins enn í óvissu
/frimg/1/51/65/1516515.jpg)
Sigrún og Gestur forstjórar nýrra stofnana
„Staðan er grafalvarleg“
„Verða bara eins og „zombíar““