Það voru tímamót þegar frystitogari Brims, Örfirisey RE, kom til hafnar í Reykjavík fyrir jól. Ekki lauk einungis ágætum túr þar sem fengust 800 tonn að verðmæti 330 milljóna heldur lauk einnig Þór Þórarinsson sinni síðustu veiðiferð eftir 50 ára sjómennskuferil. Af þessum árum hefur Þór varið 30 árum á Örfirisey, eða frá því að skipið kom til Íslands frá Færeyjum árið 1992.

„Ég hóf störf hjá Granda hf., einum af forverum Brims, árið 1989. Fyrstu árin var ég á ísfisktogaranum Ásgeiri RE en ég fluttist svo yfir á Örfirisey árið 1992 þegar skipið kom til landsins. Trausti og Símon voru þá skipstjórar á Örfirisey en ég tók við sem skipstjóri þegar Símon hætti,“ segir Þór í færslu á vef Brims.

Hann segir jafnframt ekki annað hægt en að vera ánægður með síðasta túrinn. „Við byrjuðum veiðar fyrir sunnan land og fengum aðallega karfa og ufsa. Svo fluttum við okkur norður á Vestfjarðamið og vorum þar lengst af túrnum. Við hófum veiðarnar á Halanum og unnum okkur að Þverálshorninu. Þar, sem og í djúpkantinum vestur af Vestfjörðum, var aflinn mjög blandaður og við fengum þorsk, ýsu, ufsa, gullkarfa og djúpkarfa. Eins vörðum við nokkrum tíma í ýsuveiðar á Straumnesgrunni, rétt austan við Djúpálinn, og veiðin var alveg ágæt. Túrinn enduðum við svo á SV miðum.”

Tengdar fréttir

Fólkið í sjávarútvegi

Humarveiðarnar voru skemmtilegt tímabil

• Ólst upp á Fídjí og rannsakar nú loðnu á Íslandi
• Sumarstarfsmenn gegna lykilhlutverki hjá ÚA
• „Gefur mér mikið að geta reynt að hjálpa öðrum“
• „Síðustu leifar náttúrulegs lífs á Íslandi“

» Fleiri tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir

• Blogga um frétt