Sjómaðurinn sem saknað er af línuskipinu Sighvati GK-57 heitir Ekasit Thasaphong. Hann er fæddur árið 1980.

Þetta kemur fram í tilkynningu frá Vísi hf. sem send var fjölmiðlum að höfðu samráði við fjölskylduna, sem þakkar af alhug samúð og vinarþel samfélagsins.

Ekasit kom ungur til Íslands og hefur búið í Grindavík ásamt eiginkonu og þremur börnum.

Ekasit hefur lengst af starfað hjá Vísi hf., bæði til sjós og lands.

Fjölskyldan öll hefur verið mjög virk í samfélaginu í Grindavík, sem er harmi slegið.

Starfsfólk Vísis hf. þakkar öllum þeim, sem tekið hafa þátt í leitinni. Bænir allra eru hjá fjölskyldu og ættingjum Ekasit Thasaphong.

Tengdar fréttir

Leitin að Ekasit

Leitað í alla nótt og gögn nú yfirfarin

• Skipverjans leitað með neðansjávarfari
• Leitinni frestað til birtingar
• Gríðarlegt högg fyrir lítið samfélag
• Féll útbyrðis af línuskipinu Sighvati í eigu Vísis

» Fleiri tengdar fréttir

• Blogga um frétt