Wilson Odra lýkur við túrinn fyrir Wilson Skaw
„Það var verið að færa saltið úr Wilson Skaw yfir í Wilson Odra í gær á Akureyri, svo hægt væri að flytja það á þær hafnir sem Wilson Skaw átti eftir að fara á, sem eru Hólmavík, Ísafjörður og Patreksfjörður,“ segir Garðar Jóhannsson, framkvæmdastjóri Nesskipa sem þjónusta norska skipafélagið Wilson á Íslandi.
Það voru 1.840 tonn af salti sem selflutt voru yfir í Wilson Odra á Akureyri í gær, en þegar Wilson Skaw strandaði í Húnaflóa í apríl eyðilögðust 20 tonn af salti við björgunaraðgerðirnar, sem Garðar segir að sé vel sloppið.
Enn er ekki vitað hver næstu skref verða með Wilson Skaw. „Það er enn verið að gera nánari úttekt á skipinu en líklegast er að skipið verði dregið út til Evrópu.“
Lestu meira með vikupassa!
Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.
