Grínistinn Nick Cannon á von á enn einu barninu. Í etta sinn á hann von á barni með fyrirsætunni og tónlistarkonunni Alyssu Scott. Cannon tók á móti sínu níunda barni í september, en níu dögum síðar kom tíunda barnið.
Fyrirsætan deildi gleðifregnunum á Instagram í síðasta mánuði en gaf þá ekki upp hver faðir barnsins væri. Þau opinberuðu það með fallegri meðgöngumyndatöku á dögunum.
Barnið er annað barn Cannon og Scott saman, en rúmir tíu mánuðir eru liðnir frá því sonur þeirra lést af völdum krabbameins í heila, en hann var aðeins fimm mánaða gamall þegar hann lést.
Fyrir á Scott fjögurra ára dóttur úr fyrra sambandi, en Cannon á tíu börn með sex konum og virðist alsæll með fjölskyldu sína sem fer sífellt stækkandi.