Einn vinsælasti snappari landsins, Reynir Bergmann, og Sólveig Ýr Sigurjónsdóttir eru hætt saman en þau hafa bæði skráð sig einhleyp á Facebook. Þau reka saman fyrirtækið Park and Fly.  

Þau höfðu verið saman í 9 ár en þau trúlofuðu sig á Tenerife í ársbyrjun. Reynir og Sólveig eiga saman þrjár dætur og er sú yngsta aðeins 17 mánaða gömul. Reynir sýndi frá fæðingunni í rauntíma á Snapchat. 

Reynir hefur verið einn af vinsælustu „snöppurum“ landsins síðustu ár þar sem hann hefur sagt ítarlega frá baráttu sinni við fíkniefnavanda. Hann greindi fylgjendum sínum frá því að hann væri fallinn á Snapchat í gær.