Katrín prinsessa af Wales er þekkt fyrir að vera nægjusöm og nýtin rétt eins og Elísabet II Bretadrottning. Hún lætur oft sjá sig í sama kjólnum oftar en einu sinni og hikar þá ekki við að láta breyta kjólunum eða para aðra fylgihluti við til þess að hressa upp á heildarútlitið. 

Nú síðast klæddist hún kjól frá Elie Saab. Tilefnið var garðveisla við Buckinghamhöll í tilefni af krýningu konungs. En hún klæddist fyrst kjólnum á Ascot veðreiðunum árið 2019. Að þessu sinni breytti hún engu nema eyrnalokkunum.  

Þess má einnig geta að Sophie hertogynja af Edinborg var við sama tilefni einnig í gömlum kjól frá Suzannah sem hún klæddist fyrst á Ascot veðreiðunum árið 2022.

Prinsessan endurnýtti gamlan kjól frá Elie Saab. AFP

Blái liturinn var ráðandi hjá kóngafólkinu. Það var bara Játvarður sem skar sig úr með rautt bindi. Sophie var líka að endurnýta gamlan kjól. AFP

Alltaf glæsileg. AFP

Katrín og Vilhjálmur árið 2019. AFP