Maður vikunnar, Bjarni Benediktsson formaður Sjálfstæðisflokksins, fór út að ganga í morgun. Hann birti kuldalega mynd af undirgöngum á Instagram-síðu sinni. Það hefur verið sýnt fram á að bestu hugmyndirnar koma oft í göngutúrum. 

„Gengið undir Reykjanesbraut í morgunsárið,“ skrifar Bjarni á Instagram. Það er mikið um að vera hjá Bjarna eftir að hann sagði af sér sem fjármálaráðherra í gær, þriðjudag. Það er ekki ólíklegt að nú sé tími til að sækja innblástur út í náttúruna. 

Það kemur ekki á óvart að Bjarni hreyfi sig enda þekktur fyrir slíkt. Þegar hann er ekki að hreyfa sig utandyra er hann duglegur að æfa í líkamsræktarstöðvum á höfuðborgarsvæðinu. Hann hefur meðal annars verið duglegur að mæta í World Class í gegnum tíðina og hefur hann sést við æfingar á Granda 101. 

Steve Jobs fór í hugmyndagöngutúra

Steve Jobs, stofnandi Apple, var þekktur fyrir að fara í göngutúra til þess að hreinsa hugann og þróa nýjar hugmyndir. Sam­kvæmt rann­sókn sem gerð var við Stan­ford-há­skól­ann jókst sköp­un­ar­kraft­ur ein­stak­linga um 60 pró­sent við göngu­túra.

Frétt af mbl.is

Lykillinn að sköpunargáfunni er einfaldur

Steve Jobs var þekktur fyrir að fara út að ganga. Reuetrs