Heimili | 15. mars 2024
Sjáðu ævintýrahús Þorleifs og Andreu
Á fallegum stað í Ölfusi stendur töfrandi ævintýrahús sem grípur augað. Skemmtilegt form og minimalískar innréttingar einkenna húsið sem þau Þorleifur Kamban og Andrea Eyland hafa á undanförnum árum byggt og gert að fallegu heimili.
Sjáðu ævintýrahús Þorleifs og Andreu
Heimili | 15. mars 2024
Setja bókamerki
Á fallegum stað í Ölfusi stendur töfrandi ævintýrahús sem grípur augað. Skemmtilegt form og minimalískar innréttingar einkenna húsið sem þau Þorleifur Kamban og Andrea Eyland hafa á undanförnum árum byggt og gert að fallegu heimili.
Á fallegum stað í Ölfusi stendur töfrandi ævintýrahús sem grípur augað. Skemmtilegt form og minimalískar innréttingar einkenna húsið sem þau Þorleifur Kamban og Andrea Eyland hafa á undanförnum árum byggt og gert að fallegu heimili.
Andrea hefur verið áberandi í fjölmiðlum síðustu ár, en hún gerði sjónvarpsþættina Líf kviknar og dafnar sem fjölluðu um meðgöngu, fæðingu og sængurlegu. Þá hefur hún einnig haldið úti hlaðvarpinu Kviknar.
Þau Þorleifur og Andrea hafa einnig staðið í heilmiklum framkvæmdum í Ölfusi síðustu ár þar sem þau hafa byggt hús sitt Kambastaði. Húsið hefur þó ekki bara hýst fjölskylduna heldur hafa þau haldið þar námskeið fyrir foreldra sem þurfa á andrými og styrk að halda.
Þau hafa leyft fylgjendum sínum á Instagram að fylgjast með framkvæmdunum, en húsið sem um ræðir er 9 metra hátt A-laga hús sem hefur verið innréttað á heillandi máta. Náttúran kemur sterk inn í efnisvali og litavali sem skapar notalega stemningu, en gríðarstórir gluggar setja svo punktinn yfir i-ið.
Töfrar og ró í sveitinni
Nú geta ferðalangar sem eru í leit að töfrandi gistingu leigt hluta hússins á bókunarvef Airbnb. Útleigueiningin er stúdíóíbúð sem hentar fullkomlega fyrir par eða vini sem eru á ferðalagi um landið.
Þar er notalegt svefnrými, krúttlegur eldhúskrókur og fallegt útsýni um stóra glugga sem hleypa mikilli birtu inn. Ljósir tónar eru í forgrunni í innréttingum og húsmunum.
Í byrjun apríl kostar nóttin í íbúðinni 219 bandaríkjadali, eða sem nemur tæplega 30 þúsund krónum á gengi dagsins.
/frimg/1/27/90/1279028.jpg)
/frimg/1/25/22/1252286.jpg)
/frimg/1/45/76/1457629.jpg)
