„Forarpyttur pólitískrar hlutdrægni“

Nikki Haley, sendiherra Bandaríkjanna hjá Sameinuðu þjóðunum, kallaði Mannréttindaráð Sameinuðu þjóðanna „forarpytt pólitískrar hlutdrægni“ þegar hún tilkynnti formlega um úrsögn Bandaríkjanna úr ráðinu á fundi með fjölmiðlafólki í Washington í kvöld.  

„Við stígum þetta skref þar sem við eigum ekki samleið með hræsnisfullum og sjálfhverfum samtökum sem hafa mannréttindi að háði og spotti,“ sagði Haley meðal annars.

Áætlanir Bandaríkjanna um úrsögn úr ráðinu voru kynntar fyrr í dag og þykir ákvörðunin ekki koma á óvart. Banda­rík­in hafa sakað aðild­ar­ríki ráðsins um rót­gróna for­dóma í garð Ísra­els­rík­is og þá hafa fulltrúar Bandaríkjanna í ráðinu einnig sagt að í ráðinu sitji fulltrúar ríkja sem brjóta ítrekað á réttindum þegna sinna.

Ákveðinn vendipunktur varð svo í síðustu viku þegar ráðið fordæmdi stjórnvöld í Ísrael fyrir framgöngu Ísraelshers á landamærum Ísraels og Gaza með 120 atkvæðum gegn átta.

Bandaríkin verði áfram leiðandi í mannréttindamálum

Haley, ásamt Mike Pompeo, utanríkisráðherra Bandaríkjanna, sem einnig sat fundinn, halda því hins vegar fram að Bandaríkin verði áfram leiðandi ríki í mannréttindamálum.

Úrsögnin kemur á sama tíma og ríkisstjórn Donalds Trumps Bandaríkjaforseta hefur verið harðlega gagnrýnd, meðal annars af erindreka Sameinuðu þjóðanna í mannréttindamálum, fyrir stefnu Bandaríkjastjórnar í innflytjendamálum þar sem börn­ hafa verið aðskil­in frá for­eld­um sín­um við kom­una til Banda­ríkj­anna.  

Nikki Haley, sendiherra Bandaríkjanna hjá Sameinuðu þjóðunum og Mike Pompeo, ...
Nikki Haley, sendiherra Bandaríkjanna hjá Sameinuðu þjóðunum og Mike Pompeo, utanríkisráðherra Bandaríkjanna, tilkynntu um úrsögn Bandaríkjanna úr Mannréttindaráði Sameinuðu þjóðanna á fréttamannafundi í kvöld. AFP
mbl.is
Vetrardekk
Til sölu 4stk hálfslitin vetrardekk 205/55 R16.. Verð kr 12000... Sími 8986048....
isl-stáleldhúskollar ódýrir
er með nokkra ódýra eldhús-kolla á 5,500 kr STYKKIÐ sími 869-2798...
EAE Bilalyftur
Bílalyftur allar gerðir, eigum á lager 4 tonna 2 pósta og 3 t í gólf og 1 metra ...
Mergur málsins
Óska eftir að kaupa bókina Megur málsins eftir Jón G. Friðjónsson. Útg. Örn og ...