Líklega dregin eftir baðherbergisgólfinu
Setja bókamerki
Anne-Elisabeth Hagen var líklega dregin eftir gólfinu á baðherbergi á heimili Hagen-hjónanna kvöldið sem henni var rænt. Þetta hefur norska dagblaðið Verdens gang eftir norsku lögreglunni.
Anne-Elisabeth, sem er 68 ára gömul, hvarf af heimili sínu í sveitarfélaginu Lørenskog í Noregi að morgni 31. október á síðasta ári. Meintir mannræningjar voru síðast í sambandi við fjölskyldu Hagen um miðjan janúar og krefjast þeir að fá lausnargjaldið greitt í rafmynt og nemur krafa þeirra andvirði 1,2 milljarða íslenskra króna. Fjölskyldan neitar hins vegar að greiða nokkuð fái hún enga sönnun þess að Hagen sé enn á lífi.
Eiginmaður hennar er Tom Hagen, einn af ríkustu mönnum Noregs, en eignir hans eru metnar á 1,7 milljarða norskra króna, sem svarar til 23,7 milljarða króna.
Einkennileg för á baðherbergisgólfinu
Lögreglan byggir kenningar sínar á niðurstöðum tæknideildar sem fann skýr ummerki um að Hagen hefði verið dregin eftir baðherbergisgólfinu. Förin þykja einkennileg og benda til að eitthvað óvenjulegt hafi gengið á. Að öðru leyti er ekki að finna nein ummerki um átök á heimili hjónanna. Ekki hefur áður verið greint frá átökum á baðherberginu en lögreglan hefur hingað til lítið sem ekkert gefið upp um rannsókn málsins annað en að hún hafi úr takmörkuðum vísbendingum að moða.
Tom Hagen tilkynnti um hvarf eiginkonunnar til lögreglu 31. október. Þann dag kom hann heim og fann hund hjónanna innilokaðan í herbergi og bréf frá mannræningjunum. Frá því greint var frá hvarfi Anne-Elisabeth í janúar hafa lögreglu borist mörg hundruð ábendingar. Enn er hins vegar ekki vitað hvort Anne-Elisabeth sé á lífi.
Of margir nemendur og ákall um hæft starfsfólk
Óvenjuleg tilkynning: 19 í gæsluvarðhaldi
Óánægja er með áform um efnistöku
Lögreglan leitar eftir myndefni í tengslum við andlátið
Finnar og Svíar taka ekki á móti særðum frá Gasa
Grænlendingar vildu ekki fá björninn til baka
Eina leiðin var að fella björninn