Breska þingið hafnaði tillögu Boris Johnson um nýjar kosningar 12. desember. Þessi niðurstaða kom ekki á óvart en hann hafði hvatt þingmenn Verkamannaflokksins til að styðja hana en fengið litlar undirtektir.
Tillöguna samþykktu 299 samþykktu og 70 voru á móti en 2/3 af 650 þingmönnum þurfa að samþykkja tillöguna ef ganga á til kosninga. Eftir atkvæðagreiðsluna lét Johnson þau orð falla að þingið væri þegar orðið óvirkt og að það gæti ekki lengur haldið þjóðinni í gíslingu.
Johnson hyggst engu að síður leggja fyrir aðra tillögu sem krefst eingöngu meirihluta þingmanna. Aðildarríki Evrópusambandsins samþykktu í morgun að fresta útgöngu Bretlands úr sambandinu um þrjá mánuði, til 31. janúar. Áður stóð til að Bretar myndu yfirgefa ESB 31. október.