Erlendir ferðamenn sem koma til Spánar frá og með 1. júlí þurfa ekki að sæta sóttkví við komuna til landsins. Yfirvöld á Spáni greindu frá þessu í dag og er ákvörðunin liður í að aflétta þeim ströngu tak­mörk­un­um sem verið hafa í gildi frá miðjum mars­mánuði. 

Um helgina tilkynntu yfirvöld að erlendum ferðamönnum yrði leyft að koma til Spánar á ný í júlí og nú er ljóst að þeir þurfa ekki að fara í sóttkví. Á sama tíma greindu bresk stjórnvöld frá því að allir þurfa að fara í tveggja vikna sóttkví við komuna til Bretlands frá 8. júní. Bretar sem sjá því fyrir sér að fara í frí til Spánar í sumar þurfa því að fara í sóttkví við heimkomuna. 

Frétt af mbl.is

Spánn opnar fyrir ferðamenn í júlí

Að öllu jöfnu heimsækja um 80 milljónir ferðamanna Spán árlega og ferðamannaiðnaðurinn nemur um 12% af vergri landsframleiðslu. Að opna landið fyrir ferðamönnum í júlí er því áríðandi tilraun til að bjarga efnahagi landsins. 

Ekki liggur fyrir hvort ferðamenn þurfi að framvísa pappírum um heilsufar við komuna til Spánar eða hvort sérstök skimun verði á flugvöllum landsins.

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• Blogga um frétt