Páfinn vill hitta Pútín
Setja bókamerki
Frans páfi hefur óskað eftir fundi í Moskvu, höfuðborg Rússlands, með forsetanum Vladimír Pútín vegna stríðsins í Úkraínu en ekkert svar hefur borist.
Frans, sem er 85 ára, sagði við ítalska dagblaðið Corriere Della Sera að hann hafi sent skilaboð til Pútíns þegar um 20 dagar voru liðnir frá innrás Rússa þar sem hann sagðist „vera tilbúinn til að fara til Moskvu“.
„Við höfum enn ekki fengið svar og erum enn að óska eftir fundinum, en ég óttast að Pútín geti ekki og vilji ekki eiga þennan fund á þessum tímapunkti,“ sagði páfinn.
Hann hefur ítrekað óskað eftir friði í Úkraínu og talað um „grimmilegt og tilgangslaust stríð“ án þess að minnast nokkru sinni á Pútín eða stjórnvöld í Moskvu með nafni.
Í síðasta mánuði ræddi páfinn við forseta Úkraínu um stríðið í gegnum fjarfundarbúnað.
Búið að fella björninn
Birtu ekki dóm yfir fyrrverandi forseta bæjarstjórnar
Maðurinn sem leitað var að fannst látinn
Finnar og Svíar taka ekki á móti særðum frá Gasa
Eina leiðin var að fella björninn
Tveir í haldi grunaðir um mansal og smygl á fólki
Óvenjuleg tilkynning: 19 í gæsluvarðhaldi
Gerðu umfangsmiklar loftárásir á Líbanon