Látin eftir sprengingu í Birmingham

Slökkviliðsmenn hafa hrósað viðbrögðum almennings við gassprengingu sem varð í Birmingham á Englandi í gærkvöldi þar sem kona fannst látin og karlmaður alvarlega slasaður.

Bæði voru þau í húsinu þar sem sprengingin varð en fjórir sem voru í nágrenninu slösuðust einnig, ekki alvarlega þó.

Talsmaður slökkviliðs á svæðinu segir að almennir borgarar hafi þegar byrjað að hlúa að fólki þegar þeir komu á slysstaðinn en á þriðja tugi þurfti að yfirgefa heimili sitt vegna sprengingarinnar.

Slösuðum var einnig komið fyrir á krá í nágrenninu á meðan beðið var eftir viðbragðsaðilum.

Samkvæmt niðurstöðu rannsóknar var um gassprengingu að ræða og þyrfti að rýma nærliggjandi hús vegna þess en nokkur þeirra skemmdust töluvert.

Umfjöllun BBC.

• Blogga um frétt