Tyrkland hefur tilkynnt að sendiherra landsins í Ísrael verði kallaður heim. Enn fremur stendur til að hætta öllum samskiptum við forsætisráðherrann Benjamín Netanjahú.

Er þetta gert í mótmælaskyni við þeim blóðugu átökum sem geisa á Gasasvæðinu.

Utanríkisráðuneyti Tyrklands hefur sagt að sendiherra þeirra verði kallaður heim í ljósi mannúðarneyðarinnar sem ríkir á Gasaströndinni og það sem ráðuneytið segir að séu áframhaldandi árásir Ísraelshers á almenna borgara.

Netanjahú fyrst og fremst ábyrgur

Fulltrúi frá ísraelska utanríkisráðuneytinu hefur ásakað Recep Tayyip Erdogan, forseta Tyrklands, um að halda með hryðjuverkasamtökum.

Forsetinn heldur því fram að hann telji Netanjahú sjálfan vera fyrst og fremst ábyrgan fyrir mannfallinu á Gasa. Hann segir ekki lengur tækt að halda uppi samskiptum við forsætisráðherrann ísraelska.

„Við höfum afskrifað hann,“ segir Erdogan.

Ísrael hafði áður kallað alla erindreka sína út úr Tyrklandi og öðrum nærliggjandi löndum af öryggisástæðum.

Tengdar fréttir

Ísrael/Palestína

Lík þriggja gísla flutt til Ísrael

• Fyrstu hjálpargögnin tekin að berast
• Ísraelsher drap fimm hermenn úr eigin röðum
• Mótmælt við bandaríska sendiráðið
• Munu viðurkenna Palestínu fyrir lok mánaðar

» Fleiri tengdar fréttir

• Blogga um frétt