Gætt að geðheilbrigði

Um 11 þúsund öryrkjar eru með geðgreiningu á Íslandi. Geðsjúkdómar snerta nánast allar fjölskyldur á Íslandi og einn stærsti vandi sem heilbrigðiskerfið stendur frammi fyrir. Húsnæðisvandi, fíkn og margt fleira eykur vanda fólks með geðraskanir.

Halla Ósk Ólafsdóttir og Birna Guðrún Þórðardóttir.

Geta haldið áfram með líf sitt

27.9. Með geðrofsteymum er hægt að bæta lífsgæði ungs fólks sem er með geðhvörf á þann veg að það getur haldið áfram með líf sitt. Meðal annars með því að halda áfram í námi eða starfi í stað þess að fara á örorku. Meira

Helgi Garðar Garðarsson, forstöðulæknir geðlækninga á Sjúkrahúsinu á Akureyri.

Ekki flytja allt á sjúkrahúsin

27.9. Forstöðulæknir geðlækninga á Sjúkrahúsinu á Akureyri telur að yfirvöld séu á rangri leið ef flytja á alla þjónustu sem hefur verið sinnt af sjálfstætt starfandi læknum inn á sjúkrahúsin. Sumu sé betur sinnt á sjúkrahúsum öðru í sjálfstæðum rekstri. Auk þess sem það er ódýrara. Meira

Ekki flytja allt á sjúkrahúsin

„Kannabis er eitur“

26.9. Hún var rúmlega tvítug greind þegar hún lagðist fyrst inn á geðdeild en upphafið má rekja til mikillar vanlíðanar í kjölfar sambandsslita. Hún hefur náð góðum bata eftir erfið ár en kannabis kostaði hana geðrof í tvö ár. Kannabis er eitur, segir hún. Meira

„Það er alltaf von, alltaf“

26.9. Tengsl geðraskana og sjálfsvíga eru vel þekkt en margar geðraskanir eru áhættuþættir fyrir sjálfsvígshegðun. Hið sama á við um sjálfsskaða og geðraskanir. Að sögn Ingu Wessman sálfræðings er nauðsynlegt að starfsfólk á bráðamóttökum kunni að aðstoða fólk í sjálfsvígshættu. „Þetta fólk þarf aðstoð og aðstoðin á að vera til staðar því það er alltaf von, alltaf.“ Meira

Endurskoðaði allt sitt líf

25.9. Geðhvörf virðast vera jafntíð meðal kvenna og karla. Sjúkdómurinn greinist oftast þegar fólk er á aldrinum 17-30 ára. Ágúst Kristján Steinarrsson, sjálfstætt starfandi stjórnunarráðgjafi og jöklaleiðsögumaður, var greindur með geðhvörf árið 1999 þegar hann var nítján ára gamall. Meira

Þjónustan ókeypis fyrir börn

Agnes Agnarsdóttir,yfirsálfræðingur Heilsugæslu höfuðborgarsvæðisins.

25.9. Barnasálfræðingar eru starfandi á öllum heilsugæslustöðvum höfuðborgarsvæðisins og nú í september eru komnir sálfræðingar á sex af 15 heilsugæslustöðvum á svæðinu og sjöunda stöðin bætist við í desember, segir Agnes Agnarsdóttir, yfirsálfræðingur Heilsugæslu höfuðborgarsvæðisins. Meira

„Ég gæti mín“

24.9. Bergþór Grétar Böðvarsson starfsmaður á geðsviði Landspítalans og knattspyrnuþjálfari greindist með geðröskun fyrir 29 árum. Hann segir mikið hafa breyst á þeim tíma, úrræðin voru fá fyrir fólk með geðraskanir og lítið hugsað um eftirfylgni að lokinni spítalavist. Meira

Ungt fólk undir of miklu álagi

Bóas Valdórsson, skólasálfræðingur í Menntaskólanum við Hamrahlíð.

24.9. Skólasálfræðingur MH segist vonast til þess að ekki verði hætt að bjóða upp á ókeypis sálfræðiþjónustu í framhaldsskólum en í vor lýkur tilraunaverkefni um þjónustuna. Alls leituðu 152 nemendur til Bóasar síðasta vetur og ástæðurnar ýmsar, svo sem kvíði og vanlíðan. Meira

Sjúkdómur unga fólksins

Halldóra Friðgerður Víðisdóttir og Nanna Briem.

23.9. Flestir þeirra sem greinast með geðrof eru ungir að árum og er geðrof oft sagt sjúkdómur unga fólksins. Með réttum stuðningi og meðferð er hægt að koma fólki út í lífið aftur og koma þannig í veg fyrir örorku þess. Þetta getur komið í veg fyrir miklar þjáningar viðkomandi og sparað háar fjárhæðir. Meira

Stefnir í skort á geðlæknum

23.9. Helgi Garðar Garðarsson geðlæknir óttast að það stefni í alvarlegan skort á geðlæknum innan tíu ára. Ágúst Kristján Steinarrsson greindist með geðhvörf 19 ára en hefur verið án einkenna í fimm ár. „Frá því ég veiktist síðast hefur minn lífsstíll verið mín meðferð,“ segir hann í samtali við mbl.is. Meira

Langir biðlistar eftir þjónustu

22.9. Stefnt er að því að fjölga starfsmönnum í geðheilsuteymi austur en langir biðlistar hafa myndast eftir þjónustu þess. Staðan nú er óviðunandi segja stjórnendur þess. Bergþór Grétar Böðvarsson, Reykvíkingur ársins, er gott dæmi um mann sem hefur ekki látið geðraskanir stöðva sig í lífinu. Meira

„Ég gat ekkert gert“

Hún sat klukkustundum saman stjörf og gat ekkert gert.

22.9. Sálfræðingar eru komnir til starfa á öllum heilsugæslustöðvum á höfuðborgarsvæðinu en ekki hefur enn verið samþykkt á Alþingi að skólasálfræðingar verði í framhaldsskólum. Mikilvægi forvarna verður seint oflofað og kona sem var í geðrofsástandi í tvö ár varar fólk við hættunni af neyslu kannabis. Meira

Passaði hvergi inn

21.9. Sonur þeirra framdi sjálfsvíg rúmlega þrítugur eftir að hafa glímt við fíkn og geðræn veikindi. Hann var eitt af þessum börnum sem hvergi pössuðu inn, hvorki í skóla né annars staðar. Meira

Óttast um hana í vetur

20.9. Hún er á þrítugsaldri og er á götunni vegna neyslu og geðrænna veikinda. Fjölskylda hennar er ráðalaus og óttast mjög um afdrif hennar í vetur. Gatan er ekki heimili og ekki öruggur staður, ekki síst fyrir ungar konur þar sem hópur karla leitar þær uppi og nýtir sér neyð þeirra. Meira

57% öryrkja með geðgreiningu

Anna Gunnhildur Ólafsdóttir, framkvæmdastjóri Geðhjálpar.

19.9. Tæplega 38% öryrkja, sjö þúsund og tvö hundruð manns, eru öryrkjar á grundvelli geðröskunar sem fyrstu greiningar. Hlutfallið fer upp í 56,6% eða hátt í ellefu þúsund manns þegar litið er til allra þeirra sem eru með geðgreiningu ásamt fleiri greiningum. Meira

Reiði og tómleikatilfinning

Inga Wessman sálfræðingur vinnur mikið með jaðarpersónuleikaröskun í sínu starfi.

18.9. Algengt er að fólk með jaðarpersónuleikaröskun sé ranglega greint með geðhvörf (bipolar) en þar standa sveiflur í skapi yfir í lengri tíma og eru sjaldgæfari ásamt því að önnur einkenni en skapsveiflur greina á milli hvorri röskun fyrir sig. Um 2-6% fólks er með röskunina. Meira

Stimpluð vegna vanþekkingar

18.9. Oft er hegðun barna ekki skoðuð í samhengi við umhverfi þeirra. Þess í stað er settur stimpill á barnið – að eitthvað sé að því – þegar raunin getur verið að barnið sé að bregðast við óheilbrigðum aðstæðum, segir Sæunn Kjartansdóttir. Meira

Stofnuð á afmælisdegi Bergs Snæs

17.9. Sigurþóra Bergsdóttir og Sigrún Sigurðardóttir standa að stofnun samtaka um meðferðarsetur fyrir ungt fólk. Stofnfundurinn er í kvöld á afmælisdegi Bergs Snæs, sonar Sigurþóru. Hann hefði orðið 22 ára í dag ef hann hefði lifað en hann framdi sjálfsvíg aðeins 19 ára gamall. Meira

Lífshættulegur kókaínfaraldur

Maríanna Bernharðsdóttir, Sigurður Örn Hektorsson og Hjördís Björg Tryggvadóttir stýra fíknigeðdeild Landspítalans.

16.9. Forseti Íslands gerði geð- og fíknivanda meðal annars að umræðuefni við þingsetningu fyrr í vikunni. 36 lyfjatengd andlát á þessu ári eru til skoðunar hjá Embætti landlæknis. Þetta eru 25 karlar og 11 konur. Af þeim hafa látist með þessum hætti eru 11 einstaklingar yngri en 35 ára. Meira

„Ég fylgdi syni mínum til himna“

16.9. Þrátt fyrir að við séum talin hamingjusöm þjóð líða mörg börn fyrir erfiðar aðstæður. Sumir þeirra sem aldrei passa inn í kerfið sjá enga aðra leið en að svipta sig lífi. Hann dó ekki af því að hann vildi deyja, hann dó af því að hann gat ekki lifað, segir móðir sem missti son sinn. Meira

Aldrei unnið á helsta meini hans

15.9. Sonur þeirra er á þrítugsaldri og er hörkuduglegur fjölskyldufaðir. En lífið hefur ekki alltaf reynst honum auðvelt því stóran hluta ævinnar hefur líf hans verið eins og rússíbanareið. Þrátt fyrir að hafa náð sér upp úr neyslu hefur hann ekki enn unnið á mesta meini sínu, áföllum í æsku. Meira

Fólki jafnvel hent út á gaddinn

Anna Gunnhildur Ólafsdóttir segir þá sem eru með tvígreiningu standa hvað höllustum fæti þegar kemur ...

15.9. „Matur og húsaskjól! Ef þessar grunnþarfir eru uppfylltar er svo miklu auðveldara að hjálpa fólki og árangur meðferðar margfalt betri,” segir María Einisdóttir, framkvæmdastjóri geðsviðs Landspítalans. Tugir eru biðlista eftir húsnæði fyrir fólk með tvígreiningar, geð- og fíknivanda. Meira

Fleiri fréttir

Meira