Heitustu pör ársins!
Setja bókamerki
Ástin blómstraði sem aldrei fyrr 2022. Gömul sambönd runnu sitt skeið á enda og ný ást kviknaði. Sumstaðar var ástin svo sterk að hún gat af sér ávöxt en Snorri Másson fréttamaður og Nadine Guðrún Yaghi eiga von á barni á næsta ári.
Camilla Rut fann ástina eftir skilnað
Áhrifavaldurinn Camilla Rut Rúnarsdóttir og Valgeir Gunnlaugsson, eða Valli flatbaka eins og hann er kallaður, byrjuðu saman á árinu. Camilla sem skildi við barnsföður sinn fyrr á árinu nýtur lífsins í örmum Valla sem á og rekur veitingastaðina Íslensku flatbökuna og Indican.
Nadine og Snorri
Nadine Guðrún Yaghi, samskiptastjóri flugfélagsins Play, og Snorri Másson, fréttamaður á Vísi, Stöð 2 og Bylgjunni, voru sjóðheit út um allan heim á árinu 2022. Þau fundu ekki bara ástina á árinu heldur tilkynntu í lok árs að þau ættu von á barni og trúlofuðu sig.
Nadía Sif klófesti körfuboltakappa
Fyrirsætan Nadía Sif Líndal og breski körfuboltamaðurinn Lucien Christofis byrjuðu saman á árinu. Parið hefur verið duglegt að njóta lífsins saman og fór meðal annars til Ítalíu í sumar.
Sumarást hjá Atla og Hönnu Kristínu
Atli Freyr Sævarsson markþjálfi og athafnamaður í Þýskalandi og Hanna Kristín Skaftadóttir viðskiptafræðingur, doktorsnemi og fagstjóri viðskiptagreindar við Háskólann á Bifröst féllu fyrir hvort öðru í byrjun sumars. Bæði hafa þau verið á lausu í svolítinn tíma áður en ástareldurinn blossaði.
/frimg/1/36/16/1361680.jpg)
Vilhelm Neto og Tinna Ýr
Leikarinn Vilhelm Neto og Tinna Ýr Jónsdóttir opinberuðu ást sína á árinu. Vilhelm, eða Villi Neto eins og hann er kallaður er þekktur fyrir grínleik og tók þátt í að skrifa Áramótaskaupið í fyrra. Tinna á líka mikill húmoristi og er þetta líklega eitt skemmtilegasta par landsins.
Blússandi ást hjá Stebba Jak og Kristínu Sif
Einn heitasti þungarokkari landsins, Stefán Jakobsson, söngvari í Dimmu og Kristín Sif Björgvinsdóttir útvarpsstjarna á K100 byrjuðu saman á árinu. Til þess að toppa allt fór Stefán á skeljarnar í lok árs. „Þúsund sinnum segðu já.“
Ástin blómstrar á RÚV
Sunna Valgerðardóttir, fréttamaður, og Guðni Tómasson, dagskrárgerðarmaður, fóru að sjást reglulega saman í heitu pottunum í Vesturbæjarlauginni á þessu ári. Parið starfar saman hjá Ríkisútvarpinu, hvort á sinni deild, en Sunna er á fréttadeild og stýrir meðal annars Vikulokunum á meðan Guðni fjallar um menningu á Rás 1.
Helgi Ómars og Pétur Björgvin
Tískubloggarinn og áhrifavaldurinn Helgi Ómarsson og Pétur Björgvin Sveinsson meistaranemi við Háskólann í Reykjavík byrjuðu saman á árinu. Helgi og Pétur fóru meðal annars til Taílands saman fyrr á þessu ári og Helga langar í stærra bað fyrir nýja manninn í lífinu sínu.
Íris Tanja og Elín Ey
Tónlistarkonan Elín Eyþórsdóttir og leikkonan Íris Tanja Flygenring byrjuðu saman á árinu. Ekki nóg með að hafa fundið ástina og Elín tekið þátt í Eurovision á Ítalíu þá trúlofuðu þær sig í október. Heldur betur gott ár hjá þeim Elínu og Írisi.
/frimg/1/33/1/1330130.jpg)
Alfreð og Hrund
Handboltaþjálfarinn Alfreð Gíslason og Hrund Gunnsteinsdóttir, framkvæmdastjóri Festu, tóku upp fast samband árið 2022. Alfreð og Hrund eru framúrskarandi á sínu sviði. Alfreð er margverðlaunaður handknattleiksþjálfari og Hrund er framkvæmdastjóri Festu – miðstöðvar um samfélagsábyrgð.
Ásthildur Bára og Sóley Klara
Ásthildur Bára Jensdóttir, rekstrarstjóri Bankastræti Club, fann ástina á árinu 2022 í örmum Sóleyjar Klöru Davíðsdóttur. Tíu ár eru á milli þeirra en Ásthildur er fædd árið 1993 og Sóley Klara árið 2003.
/frimg/1/34/16/1341666.jpg)
Berglind á gulu, rauð og grænu ástarskýi
Berglind Guðmundsdóttir giftist sjálfri sér fyrir nokkrum árum en þrátt fyrir ráðhaginn fann Heiðar Gottskálksson lykilinn að hjarta Berglindar á árinu. Parið er afar lukkulegt en Berglind er hjúkrunarfræðingur og vinsæll matarbloggari á Gulur, rauður, grænn og salt en Heiðar rekur fyrirtækið HG dráttarbílar.
/frimg/1/38/30/1383029.jpg)
Fallegasta par ársins
Fegurðardrottningin Hugrún Egilsdóttir fann ástina á árinu í örmum hins breska Jacks Heslewood. Kærastinn er einn myndarlegasti maður í heimi og eru engar ýkjur þar á ferð þar sem hann hlaut titilinn Herra alheimur árið 2019.
Páll Magnússon fékk nýjan tengdason
Veitingamaðurinn Jón Arnar Guðbrandsson og Eiri Pálsdóttur byrjuðu saman. Eir starfar sem flugfreyja hjá Icelandair og er dóttir Páls Magnússonar, fyrrverandi fjölmiðlamanns og núverandi stjórnmálamanns. Jón Arnar hefur verið áberandi í veitingabransanum síðustu ár, hann opnaði nýlega veitingastaðinn Grazie Trattoria.
Stefán og Soffía fundu hvort annað!
Leikarinn og leikstjórinn Stefán Jónsson og Soffía Steingrímsdóttir hjúkrunarfræðingur eru byrjuð saman. Á dögunum fór nýja parið í frí til sólríku eyjunnar Tenerife þar sem þau nutu lífsins.
/frimg/1/33/79/1337994.jpg)
Óánægja er með áform um efnistöku
Eðlileg viðbrögð að fella tár
Tveir í haldi grunaðir um mansal og smygl á fólki
Finnar og Svíar taka ekki á móti særðum frá Gasa
Hætta vegna jarðfalls í sprungur metin töluverð
Mikill útflutningur frá Vestfjörðum
Glæpastarfsemi orðin mun skipulagðari
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál