Bergsveinn Ólafsson, fyrirliði karlaliðs Fjölnis í knattspyrnu, sendir yngri iðkendum mikilvæg skilaboð um hvernig þau geti haldið sér í formi þegar allar æfingar liggja niðri vegna kórónuveirunnar.
Í myndskeiði sem Fjölnismenn birta á Twitter-síðu sinni hvetur Bergsveinn krakkana til að gefa sér tíma, fara út og hlaupa, gera armbeygjur, planka og fleira í þeim dúr.
„Manni líður svo vel þegar maður hreyfir sig, maður helst í formi, maður nær betri árangri, maður sefur betur, maður verður minna pirraður," segir Bergsveinn og bendir á að með því að fylgja þessu gangi þeim betur þegar þau geta byrjað að æfa fótbolta á nýjan leik.
Myndskeiðið með hvatningarorðum Bergsveins og æfingu sem hann sýnir krökkunum má sjá hér fyrir neðan:
Skilaboð frá @BergsveinnOlafs fyrirliða mfl. kk. til yngri iðkenda Fjölnis.
— Fjölnir FC (@Fjolnir_FC) March 24, 2020
“Nú reynir á, það er ekkert mál að hreyfa sig þegar þjálfarinn segir manni að gera það. Nú er ég að nýta tækifærið og reyna að ná forskoti á aðra”#FélagiðOkkar #Fjolnirheima2020 pic.twitter.com/b1HvQmXF2I
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.