Hjartastuðtæki við höndina samkvæmt verklagsreglum
Jason Daði Svanþórsson.
Ljósmynd/Kristinn Steinn Traustason
Setja bókamerki
Knattspyrnudeild Breiðabliks sendi frá sér tilkynningu í gærkvöldi vegna atviks sem varð í heimaleik liðsins gegn FH á dögunum.
Jason Daði Svanþórsson lagðist niður í leiknum og leit atvikið ef til vill illa út fyrir áhorfendur sem skiljanlega gátu ekki gert sér í hugarlund hvað amaði að. Leikmaður var svo fluttur í burtu með sjúkrabíl en hann missti aldrei meðvitund eins og fram kemur í yfirlýsingunni.
Yfirlýsing knattspyrnudeildar Breiðabliks:
„Vegna umræðu um atvik í leik meistaraflokks karla á Kópavogsvelli þann 20. júní síðastliðinn, vill Breiðablik koma eftirfarandi á framfæri.
Á leikjum hjá meistaraflokkum Breiðabliks er sjúkraþjálfari á bekknum en auk þess er nauðsynlegur skyndihjálparbúnaður einnig til staðar, þar með talið hjartastuðtæki.
Þegar leikmaður Breiðabliks lagðist niður í leik þann 20. júní, var gengið til verks í samræmi við reglur. Á vettvang komu til stuðnings sjúkraþjálfara Breiðabliks, sjúkraþjálfari gestaliðs auk tveggja heilbrigðisstarfsmanna úr stúkunni. Í samráði við til þess bæra aðila var það metið svo að ekki væri ástæða til að sjúkrabíll kæmi í forgangsakstri og því kom hann eftir 11 mínútur, ef þörf hefði verið hefði hann án vafa komið fyrr.
Einhverjum kann að hafa brugðið við að sjá hjartastuðtæki vera komið inn á völlinn en er það samkvæmt verklagsreglum félagsins, öryggisins vegna. Leikmaðurinn missti aldrei meðvitund.
Knattspyrnudeild Breiðabliks kappkostar að hafa alla framkvæmd leikja, öryggismál og umgjörð eins og best er á kosið og í fullu samræmi við allar reglur þar um sem settar eru af KSÍ og UEFA. Um leiki í deildakeppni á Íslandi og leiki í Evrópukeppni gilda ekki sömu reglur um umgjörð, öryggisgæslu og fleira.
Knattspyrnudeildin fer reglulega yfir skipulag í þessum málum á heimaleikjum Breiðabliks með sérfræðingum og uppfærir verklag sé þess þörf. Það er alltaf hægt að gera enn betur.
Knattspyrnudeild Breiðabliks
</iframe>
Hætta vegna jarðfalls í sprungur metin töluverð
Glæpastarfsemi orðin mun skipulagðari
Eina leiðin var að fella björninn
Of margir nemendur og ákall um hæft starfsfólk
Tveir í haldi grunaðir um mansal og smygl á fólki
Davíð Viðarsson var skyndihugdetta
Maðurinn sem leitað var að fannst látinn