Landsliðskonan Gunnhildur Yrsa Jónsdóttir og liðsfélagar hennar í Utah Royals unnu 1:0-sigur í nótt á liði Courage frá Norður-Karólínu sem situr á toppi bandarísku A-deildarinnar í knattspyrnu.
Brittanny Ratcliffe skoraði eina mark leiksins og því sigurmarkið þegar fjórar mínútur voru liðnar af uppbótartíma.
Gunnhildur og stöllur hennar hafa aðeins tapað tveimur leikjum í fyrstu 11 umferðunum en að sama skapi gert mörg jafntefli, eða fimm talsins. Royals situr í 4. sætinu með 17 stig, 13 stigum frá toppliði Courage.