Kylfingurinn Jóhanna Lea Lúðvíksdóttir leikur til undanúrslita á Opna breska áhugamannamótinu í golfi sem fram fer á Barassie-golfvellinum í Kilmarnock í Skotlandi.
Jóhanna mætti Kate Lanigan frá Írlandi í átta liða úrslitum en Jóhanna er 3:0 yfir í einvíginu þegar einni holu er ólokið og því ljóst að Lanigan getur ekki unnið einvígið á átjándu og síðustu brautinni.
Jóhanna Lea hafnaði í 53. sæti í höggleiknum en hefur tekist að vinna sig alla leið inn í undanúrslit keppninnar eftir frábæra spilamennsku.
Jóhanna Lea mætir Shannon McWilliam frá Skotlandi í undanúrslitum mótsins sem hefjast klukkan 12 í dag en úrslitin fara fram á morgun.
Sigurvegarinn fær keppnisrétt á fjórum risamótum hjá atvinnukylfingum, AIG-mótinu, Opna bandaríska meistaramótinu, Evian-meistaramótinu og Augusta National-meistaramótinu.