Alfreð Gíslason og lærisveinar hans í þýska landsliðinu í handbolta tóku stórt skref í áttina að Ólympíuleikunum í París í sumar með sigri á Alsír, 41:29, í fyrsta leik liðanna í undankeppni leikanna.
Er riðill þjóðanna leikinn í Hannover í Þýskalandi og Alfreð og lærisveinar hans því á heimavelli.
Staðan í hálfleik var 16:13 og stungu Þjóðverjar af í seinni hálfleik og unnu að lokum gríðarlega öruggan sigur. Renars Uscins skoraði tíu mörk fyrir Þýskaland.
Austurríki og Króatía eru einnig í riðlinum og mætast síðar í kvöld. Dagur Sigurðsson stýrir Króötum þá í fyrsta skipti en hann hefur einnig stýrt Þýskalandi og Austurríki.