6,6 milljónir Bandaríkjamanna sóttu um atvinnuleysisbætur í síðustu viku og hafa aldrei jafn margir sótt um bætur á svo stuttu tímabili. Vikuna þar á undan voru umsóknirnar 3,3 milljónir. 

Fyrra met var sett árið 1982 þegar umsóknirnar voru 695 þúsund á einni viku. 

Fjölda umsóknanna má rekja beint til útbreiðslu kórónuveirunnar en fjölmörg ríki hafa lokað veitingastöðum, börum, kvikmyndahúsum, hótelum og líkamsræktarstöðvum, svo dæmi séu nefnd, í þeim tilgangi að hefta útbreiðslu kórónuveirunnar.

Talið er að fleiri hafi reynt að sækja um bætur, en erfiðlega hefur gengið að ná sambandi við bandarísku vinnumálastofnunina sökum álags. Þá á fólk í hlutastarfi ekki rétt á bótum og er því ekki tekið með inn í heildartöluna.  

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• Blogga um frétt