Fjórða erlenda flugfélagið hóf áætlanaflug til Íslands í dag. Um er að ræða tékkneska félagið Czech Airlines sem mun fljúga til og frá Prag tvisvar í viku. Samkvæmt upplýsingum frá Isavia stefnir í að tíu flugfélög muni bjóða upp á millilandaflug frá Keflavík í júlí.

Guðjón Helgason, upplýsingafulltrúi Isavia, segir í samtali við mbl.is að erlend flugfélög hafi sýnt þó nokkurn áhuga eftir að dregið var úr takmörkunum og útilokar ekki að fleiri flugfélög bætist í hópinn þegar líða fer á sumarið. 

Frá því að dregið var úr ferðatakmörkunum á mánudag hafa Icelandair, SAS, Wizz Air og Atlantic Airwaves flogið til Íslands. Tæplega þrjú þúsund farþegar hafa komið hingað til lands frá því á mánudag. Farþegar sem koma til landsins geta valið á milli þess að fara í sýnatöku eða tveggja vikna sóttkví. 

Frétt af mbl.is

Fann þá skrapa innan úr hnakkanum

Czech Airlines bættist í hóp flugfélaganna fjögurra í dag og á næstu tveimur vikum bætast fimm við. Transavia hefur flug til Amsterdam, Parísar og Nantes í næstu viku og í dag tilkynnti norska flugfélagið Norwegian að félagið hyggst hefja áætlanaflug milli Keflavíkur og Ósló 1. júlí. Sama dag mun Lufthansa hefja áætlunarflug til Frankfurt og Munchen. Þá ætla Austrian og Air Baltic að hefja flug í næsta mánuði. 

Isavia hefur opnað sérstaka síðu þar sem fylgjast má með flugframboði til og frá Íslandi í júní og júlí og hana má nálgast hér.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt