Ljósleiðarinn, dótturfélag Orkuveitu Reykjavíkur, samdi á dögunum við utanríkisráðuneytið um afnot af tveimur af átta ljósleiðaraþráðum í ljósleiðarastreng Atlantshafsbandalagsins sem liggur hringinn í kringum Ísland og til Vestfjarða.
Erling Freyr Guðmundsson framkvæmdastjóri Ljósleiðarans segir í skriflegu svari til ViðskiptaMoggans að þar sem Ljósleiðarinn sé með skuldabréf skráð í kauphöll og starfi á samkeppnismarkaði eigi hann erfitt með að svara beinum spurningum um rekstur fyrirtækisins og hvernig fyrirtækið ætli sér að nýta samninginn í samkeppni á markaði. „Eitt er þó ljóst að í framhaldi af uppsetningu kerfis Ljósleiðarans á NATO-ljósleiðaraþráðum getum við boðið okkar þjónustu víðar en við höfum áður getað, öllum til hagsbóta,“ segir Erling.
ViðskiptaMogginn spurði Erling m.a. að því hvernig samningurinn styrkti fyrirtækið í samkeppni við aðra, hvaða verð væri greitt fyrir afnot þráðanna og hverjir muni leggja félaginu til hlutafé eins og boðað er.
Lestu meira um málið í ViðskiptaMogganum.