Óttar Yngvason, lögmaður nátt­úru­vernd­ar­sam­taka og veiðirétt­hafa sem mótmælt hafa fiskeldi í sjókvíum á Vestfjörðum, biðst afsökunar á að hafa ekki orðað hluta af máli sínu betur í Kastljósi í gær.

Þetta segir Óttar í bréfi sem hann hefur sent fjölmiðlum og vísar til ummæla sinna um þjóðerni starfsmanna í fiskeldi á Vestfjörðum. Tekur hann fram að þjóðerni þeirra, sem í laxeldi starfa, sé málefninu óviðkomandi.

„Ég biðst afsökunar á að hafa ekki orðað þetta betur,“ skrifar Óttar, en bréfið er stílað á Einar Þorsteinsson, annan umsjónarmanna Kastljóss.

„Um leið er rétt að benda á, að starfsmannatölur sem ég nefndi áttu einungis við nýbyrjað laxeldi í Patreksfirði. Aðrar starfsmannatölur sem fram komu áttu augljóslega við meintan heildarfjölda allra eldisfyrirtækja á Vestfjörðum.“

Frétt af mbl.is

„Svellköld rasistatuska í andlitið“

Bréf Óttars í heild sinni:

„Til Einars, stjórnanda Kastljóss.

Vegna orða minna í Kastljósi í gær vill undirritaður taka fram, að þjóðerni þeirra sem vinna í laxeldi er málefninu óviðkomandi. Ég biðst afsökunar á að hafa ekki orðað þetta betur.

Um leið er rétt að benda á, að starfsmannatölur sem ég nefndi áttu einungis við nýbyrjað laxeldi í Patreksfirði. Aðrar starfsmannatölur sem fram komu áttu augljóslega við meintan heildarfjölda allra eldisfyrirtækja á Vestfjörðum.

Bestu kveðjur,

Óttar Yngvason.“

Tengdar fréttir

Fiskeldi

Stöðvun gildistöku leyfis Arctic Fish hafnað

• Frumvarpið ekki til þess fallið að auka tekjur ríkissjóðs
• „Þetta er metnaðarfullt frumvarp“
• Beint: Lagareldisfrumvarpið kynnt
• Heldur kynningarfund um eldisfrumvarp

» Fleiri tengdar fréttir

• Blogga um frétt