Þörungar valda usla í Noregi

Milljónir eldislaxa hafa drepist í norðurhluta Noregs vegna aukins fjölda þörunga sem yfirvöld eiga erfitt með að hafa hemil á, að sögn norsku fiskistofunnar.

Yfir tíu þúsund tonn af laxi hafa drepist í kvíum í fjörðum í Nordland og Troms frá því um miðjan maí, að sögn fiskistofunnar.

Þetta þýðir að þó nokkrar milljónir hafa drepist og tap hefur orðið upp á hundruð milljóna norskra króna hjá fyrirtækjum.

Norska fiskistofan varar við því að ekkert hafi dregið úr vexti þörunga og að enn fleiri laxar gætu því drepist.

Verð á laxi hefur fyrir vikið hækkað snarlega en Norðmenn eru leiðandi í ræktun á eldislaxi. Framleidd voru 1,3 milljónir tonna af honum á síðasta ári.

Frétt af mbl.is

„Eins og þruma úr heiðskíru lofti“

• Blogga um frétt