„Eftir allan þennan farsa í vetur...“
Setja bókamerki
Heiðveig María Einarsdóttir, sjómaður og viðskiptalögfræðingur, hyggst bjóða fram lista í kosningum til stjórnar í Sjómannafélaginu sem fara fram 5.-19. júní. Hún auglýsir nú eftir undirskriftum á Facebook. Hún hefur engan aðgang að félagalistum Sjómannafélagsins.
„Eftir allan þennan farsa í vetur höfum við loks ákveðið að setja saman framboð,“ segir hún í samtali við mbl.is. Hún fékk staðfestingu á kjörgengi sínu til framboðs fyrir viku og fór þá í gang undirbúningsferli. 24 aðrir eru með henni á lista. „Ég er langt í frá ein í þessu,“ segir hún.
Heiðveig er sátt með að fá að reyna á lýðræðislegar kosningar í félaginu. „Nú vil ég hætta að dvelja við fortíðina og fagna því að loksins geti farið fram lýðræðisleg kosning í þessu félagi. Nú vinnum við út frá því,“ segir hún og bætir því við að algert aukaatriði sé hver niðurstaða kosninganna verði. Þetta sé prinsippmál.
Heiðveig og hennar fólk vantar 100 meðmælendur á lista til að fá framboðið samþykkt. Heiðveig vonast til þess að þegar það verði komið í höfn fái framboðið aðgang að lista yfir alla félagsmenn í félaginu, „eins í öllum öðrum verkalýðsfélaga.“ Heiðveig telur að til þess eins að bjóða fram að meðmælendafjöldi við framboðið sjálft sé um þriðjungur félagsmanna. Starfandi félagsmenn eru 400-500.
„Ef við fáum ekki aðgang að listunum þá get ég ekki séð að kosningin sé hafin yfir allan vafa,“ segir Heiðveig. Sitjandi stjórn hafi aðgang að félagsmannalistum.
Kosningarnar fara fram í upphafi næsta mánuðar, 5.-19. júní. Síðan í vetur hefur Heiðveig verið áberandi í fjölmiðlum, þar sem henni var vikið úr félaginu í kjölfar tilkynningar um framboð í stjórn og með því meinað að bjóða sig fram. Þann gjörning dæmdi Félagsdómur ólögmætan.
„Ég er ánægð með breiddina á listanum. Allir á listanum eru starfandi sjómenn í dag en þó sakna ég þess að hafa ekki náð til fraktarahópsins. Að sjálfsögðu verður pláss fyrir sjónarmið þeirra og krafta nái framboðið kjöri,“ segir hún loks.
Gerðu umfangsmiklar loftárásir á Líbanon
Fjöldi í varðhaldi – mikið haldlagt á árinu
Eðlileg viðbrögð að fella tár
Vendingar vestanhafs geti haft áhrif hér heima
Davíð Viðarsson var skyndihugdetta
Eina leiðin var að fella björninn
Mikill viðbúnaður við Sæbraut
Glæpastarfsemi orðin mun skipulagðari