Hafna lista Heiðveigar

„Við skorum á yfirkjörstjórn [Sjómannafélagsins] að endurskoða ákvörðun sína fyrir kl. 16 í dag,“ segir Heiðveig María Ein­ars­dótt­ir, sjó­maður og viðskipta­lög­fræðing­ur, við mbl.is. Stjórn Sjó­manna­fé­lagsins hafnaði listanum sem hún lagði fram til stjórnarsetu í félaginu.

Frétt af mbl.is

„Eftir allan þennan farsa í vetur...“

Félagið hefur jafnframt gefið henni knappan frest til að til að leggja fram nýtt framboð. Henni var veittur frestur til kl. 12 hinn 10. júní til að leggja fram nýjan lista. Samkvæmt þessum niðurstöðum þyrfti hún að safna 100 meðmælendum á lista í þriðja sinn og það á eingöngu þremur sólarhringum.  

Heiðveig bendir á að allir í framboðinu voru metnir löglegir af kjörstjórn sem og tilskilinn fjöldi meðmælenda. Listanum er hafnað á þeim forsendum að hann er sagður of einsleitur, segir í bréfi Sjómannafélagsins til hennar. 

Heiðveig bendir á að þetta sé túlkunaratriði og sé „huglægt mat“ kjörstjórnar. Hún hafnar þessari niðurstöðu og fer jafnframt fram á að kjörstjórnin segi af sér. 

Fyrir um ári síðan þegar Heiðveig ákvað að bjóða sig fram til stjórnar í fé­lag­inu hefur ýmislegt gengið á. Henni var meinað að bjóða sig fram og var vikið úr félaginu fyrir ummæli sín um sitjandi stjórn og fór hún með málið til Fé­lags­dóm­s sem dæmdi þann gjörn­ing ólög­mæt­an.

• Blogga um frétt