Nýtt skip útgerðarfélagsins Bergs-Hugins, dótturfélags Síldarvinnslunnar á Neskaupsstað, Vestmannaey VE, kom til heimahafnar í Vestmannaeyjum í dag og var vel tekið á móti skipinu, að því er fram kemur á heimasíðu Síldarvinnslunnar. 

Skipið er smíðað í skipasmíðastöð Vard í Aukra í Noregi. 

Birgir Þór Sverrisson í brúnni á nýja skipinu.

Birgir Þór Sverrisson skipstjóri segir að honum lítist afskaplega vel á skipið. Það sé glæsilegt í alla staði og með miklum og góðum búnaði. Þá segir hann að sé skipið skipið borið saman við gömlu Vestmannaeyna blasi við fullkomnari aðstaða að flestu leyti. Nefnir hann þar vinnuumhverfið á millidekki og í brúnni en þar er að hans sögn um mikla breytingu að ræða.

„Þá má nefna að í skipinu eru tvær vélar og tvær skrúfur og ég tel fullvíst að það hafi í för með sér meiri togkraft. Skipið er einkar hljóðlátt. Það heyrist lítið í vélunum og öll spil eru knúin rafmagni. Þá er þetta skip sérstaklega mjúkt og fer vel með mannskapinn. Við fengum kaldaskít á leiðinni til landsins og upplifðum þá hvernig það fer í sjó,“ segir Birgir.

„Það er svo sannarlega tilhlökkunarefni að fara að fiska á þetta skip en það mun ekki gerast fyrr en um mánaðamótin ágúst-september. Það á eftir að ganga frá búnaði á millidekkinu en sú vinna verður hafin í Vestmannaeyjum og síðan verður dekkið klárað í Slippnum á Akureyri.“

Þorsteinn Már Baldvinsson forstjóri Samherja, sem er stærsti hluthafi Síldarvinnslunnar.

Lengd nýja skipsins er 28,9 metrar, breiddin er 12 metrar, og þyngdin er 183,4 nettótonn. 

Þorsteinn Már Baldvinsson forstjóri Samherja, Magnús Kristinsson fyrrum eigandi Bergs-Hugins og Gunnþór Ingvason framkvæmdastjóri Síldarvinnslunnar.

Tengdar fréttir

Endurnýjun skipaflotans

Sigurbjörg nýtur sólarinnar á Jónahafi

• Unnið hörðum höndum í nýjum Hákoni
• Ætla að smíða tvö ný fiskiskip
• Togurum fækkaði um þrjá
• „Erum hvergi nærri af baki dottin“

» Fleiri tengdar fréttir

Síldarvinnslan

Fjölnir til Noregs

• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar
• Þorsteinn Már skaut föstum skotum á SKE

» Fleiri tengdar fréttir

• Blogga um frétt