Halldór hættir eftir nærri hálfa öld hjá LHG
Halldór B. Nellett hefur verið skipherra hjá Landhelgisgæslunni síðan 1992 en hann hóf störf 1972.
Ljósmynd/Hilmar Snorrason
Setja bókamerki
Halldór B. Nellett hóf í gær síðustu sjóferð sína sem skipherra á varðskipinu Þór þegar skipið lét úr höfn í Reykjavík, að því er fram kemur á vef Landhelgisgæslunnar. Við hafnarmynnið mætust varðskipin tvö, Þór og Týr, og þeytti áhöfnin á Tý skipsflautuna Halldóri til heiðurs.
Það er óhætt að segja að Halldór hefur í starfi sínu fyrir Landhelgisgæsluna marga fjöruna sopið en ferill hans spannar tæplega hálfa öld, en það var árið 1972 sem hann hóf störf sem messi á varðskipinu Ægi.
Halldór tók þátt í tveimur þorskastríðum og hefur hann starfað sem stýrimaður til fjölda ára á skipum og loftförum Landhelgisgæslunnar. Hann fór í jómfrúarferð sína sem skipherra árið 1992 en hefur verið fastráðinn skipherra frá árinu 1996.
/frimg/1/21/52/1215207.jpg)
Halldór með togvíraklippur árið 1975.
Ljósmynd/Landhelgisgæslan
Hætta vegna jarðfalls í sprungur metin töluverð
Vendingar vestanhafs geti haft áhrif hér heima
Komu saman á kyrrðar- og bænastund
Grænlendingar vildu ekki fá björninn til baka
Gerðu umfangsmiklar loftárásir á Líbanon
Fékk menningarsjokk þegar hann flutti aftur heim
Óánægja er með áform um efnistöku
Þyrla Gæslunnar sinnti óvenjulegu verkefni