Töluleg gögn sem birt voru á vef Fiskistofu 18. maí um umframafla í annarri viku strandveiða var breytt þannig að bátar með umframafla voru nafngreindir á vef stofnunarinnar án þess að hafa unnið sér það til saka að hafa komið að landi með umrætt magn af umframafla.

Færsla á vef Fiskistofu, sem enn er dagsett 18. maí er nú með aðrar tölur en þegar blaðamaður 200 mílna nýtti tölurnar við vinnslu fréttar um umframafla. Báturinn Kaja ÞH-66 sem sagður var hafa komið að landi með 821 kíló af umframafla er því ekki lengur á lista þeirra sem komu með yfir hundrað kílóa umframafla. Jafnframt er Hólmi ÞH-56 sem skráður var fyrir 460 kílóa umframafla nú sagður hafa verið með 104 kíló.

Frétt af mbl.is

Umframafli fyrir 2,8 milljónir króna

Leiðinlegt að verða úthrópaður

Nokkur umræða hefur orðið meðal strandveiðimanna eftir umfjöllunina, enda er umframafli tekinn af heildarafla sem strandveiðum er útvegað. „Þetta er bara leiðinlegt að vera úthrópaður fyrir að vera að taka af félögum sínum sem ég hef ekki verið að gera,“ segir Sigurður Ragnar Kristinsson, sem gerir út Köju ÞH-66, í samtali við 200 mílur.

Hann kveðst ekki ergilegur eftir að bátur hanns var sagður hafa verið með 821 kílóa umframafla. Það einfaldlega getur gerst að það eigi sér stað mannleg mistök og fagnar hann því að réttar tölur hafi verið birtar.

„Þarna hafa menn tekið brúttó-aflatölur. Þetta er fiskur sem er settur í krap úti á sjó og ennþá meiri krap í öðrum körum uppi á bryggju þegar honum er landað. Síðan er hann endurvigtaður úr krapanum daginn eftir og þá verða til svona skrautlegar ísprósentur,“ útskýrir Sigurður.

Tilgreina ekki leiðréttingu

Engin leiðrétting eða tilkynningu um uppfærslu hefur verið birt í færslunni á vef Fiskistofu, en eins og sést bersýnilega á yfirlitsmyndum sem fengnar eru úr sömu færslu á vef stofnunarinnar er gríðarlegur munur á talnaefninu. Fyrri myndin er fengin 18. maí en sú nýrri 21. maí.

Þá er umframafli í annarri viku nú sagður hafa verið 7.594 kíló en var sagður 9.351 kíló. Jafnframt er fjöldi strandveiðibáta sem sinntu veiðum sagðir hafa verið 186 en fyrst var sagt að þeir væru 190 talsins.

Tölurnar eins og þær voru birtar á vef Fiskistofu 18. maí.

Tölurnar eins og þær birtast 21. maí.

Tengdar fréttir

Smábátaveiðar

Ráðgjöfin sögð æra óstöðugan

• Ánægður með nýja Sigrúnu Björk ÞH
• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði

» Fleiri tengdar fréttir

Eftirlit með veiðum

Viðar tekur við veiðieftirlitssviði

• Leggja til bann við heimavigtun bolfisks
• Skipstjórum óhóflega refsað öðrum til viðvörunar
• „Ég mun ekki sætta mig við einhverja áminningu“
• Leyfissvipting stytt þrátt fyrir alvarleg brot

» Fleiri tengdar fréttir

• Blogga um frétt